香港新浪網 MySinaBlog
« 上一篇 | 下一篇 »
大腦電波 | 28th Mar 2008 | 港聞港事 | (528 Reads)

兩天前遲起床,趕不到輕鐵,改乘的士上班。的士上掛著運輸署的的士收費調查告示,也張貼了「車費加一蚊」的雷霆八八一醒目貼紙。

的士加價已經一個月,咪錶起錶時仍然是舊價十二玩五角。我於是問司機....

 

我:為何不去改咪錶

司機:你話想改就改?要排期架~~~我個架排左去八月。

我:八月?咁耐架?你唔可以自己拿去校錶?

司機:唔得架,無得提前改架。我地每六個月驗一次。除非自己整壞個錶,但咁樣要俾幾百蚊。

我:咁麻煩架...今次只係加一蚊,用程式將咪錶起跳加番一蚊咪得囉。

司機:唔得架,我地唔可以自己拆錶黎改。改咪錶都要去(運輸署指定的)驗車中心去改,改完仲要去驗(驗距離),我地蝕幾十米係可以,最多係六十米,驚我地蝕低左,但係如果行少一米跳錶都唔得架,要整完先行得。

我:原來係咁架,咁你地咪蝕底左?

司機:個法例係為左客著想。仲有丫,你知唔知咪錶上有封條,唔拆得架,拆左唔可以行架。俾警察發現會告架,仲要拆左個行車證,要拎去驗。發現冇事就罰三百二,有事可以告行騙架,要上庭,有排煩...

(的士到目的地,對話便結束了)

原來的士雖然一個月前已經加價,但由於改咪錶要在驗車中心進行,更要在指定驗車日子進行,每半年進行一次。原來法律容許的士跳少錶,不容許多跳。如果的士在規定範圍多六十米內跳錶便可以,但如果跳快了,少於一米跳錶(即是起步少於1999米跳錶或每次跳錶距離少於199米)便是違法。唔怪得同等距離,同一條路線,同一交通情況,有些的士會收少四五元,原來真有其事。