香港新浪網 MySinaBlog
« 上一篇 | 下一篇 »
大腦電波 | 2nd Jun 2006 | 生活閒情 | (1698 Reads)

大家看看圖,不如估下圖中的物品是什麼?

Picture

相信依家連小學生都知道這些物品是什麼。如果你是答糖果的話,相信你唔係一個香港人。

近年來,便利店之間競爭激烈,為了搶奪學生和年青人市場,兩大便利店集團7-11和OK便利店都先後推出卡通人物襟章、磁石夾、電話繩、砌圖等等的贈送品。卡通人物方面,有Hello Kitty、miffy、加菲貓、多啦A夢(我個人喜歡舊名「叮噹」)、Snoopy,還有港產的麥嘜和麥兜。一般來說,在便利店購滿二十元,可得贈送品一個;購滿四十元,可得贈送品兩個;如此類推。

Picture

便利店推出這些贈送品,造就炒賣和交換市場。由於這些贈送品一套二三十款,早前的7-11 Snoopy 香港名勝襟章有三十款,現在大口仔波衫匙套有三十三款。每個系列的贈送品,每款印製數量不同。每家分店每款贈送品分配的數量也不同。所以,在一些拍賣網站,開始出現有關贈送品的炒賣活動。

我雖然不熱衷收集這些贈送品,但既然買報紙雜誌,很多時都超過二十元,收一個贈送品無傷大雅。既然我在公司都看見一些同事的整套收藏品,為了不想弄髒這些贈送品,所以沒有打算拆封,留番這些算了。

對於便利店的贈送品,對我來說最實際的,莫不過於購買報紙時贈送的紙巾了。我每次逛街都帶備至少一包,多年來都沒有在超級市場購買袋裝紙巾了。

Picture


[1]

哈哈,其實呢d野儲黎有乜用呢?有時索性同佢講:我唔要啦,唔該


[引用] | 作者 poonwinghang | 2nd Jun 2006 | [舉報垃圾留言]

[2]

我都寧願收紙巾,起碼實用一點.

再唔係每買20元,俾3毫子折扣,咁都實際一點,又環保.

依家我都唔羅呢D贈品.


[引用] | 作者 米奇 | 2nd Jun 2006 | [舉報垃圾留言]

[3] Re: poonwinghang

對我來說, 這些贈送品, 除了紙巾以外, 對我來說都係沒用的, 但又唔好意思講唔要.

如果唔要可以減收五角一元, 我毫不猶豫地說唔要.


[引用] | 作者 大腦電波 | 2nd Jun 2006 | [舉報垃圾留言]

[4] Re: 米奇

我同你都一樣咁諗, 都想唔要贈品就可俾減價優惠.

除了唔要報紙膠袋外, 自己絕少唔要贈品. 自己應得的但係唔要又唔知點....


[引用] | 作者 大腦電波 | 2nd Jun 2006 | [舉報垃圾留言]

[5]

我話唔要,咪退番俾佢咯.


[引用] | 作者 米奇 | 2nd Jun 2006 | [舉報垃圾留言]

[6]

我寧願佢減價仲好,如7-11報紙 $5, 平d,又製造少d垃圾。


[引用] | 作者 ming | 2nd Jun 2006 | [舉報垃圾留言]

[7]

我真背,竟然唔知,死火,已經唔係香港人!


[引用] | 作者 亞占 | 3rd Jun 2006 | [舉報垃圾留言]

[8] Re: ming

減價最實際, 例如買報紙唔要膠袋和紙巾減一元.


[引用] | 作者 大腦電波 | 3rd Jun 2006 | [舉報垃圾留言]