香港新浪網 MySinaBlog
« 上一篇 | 下一篇 »
大腦電波 | 27th Jun 2006 | 胡思亂寫, 港聞港事 | (1863 Reads)

讀小學的時候,中文科作文題目總會有一題叫做「我的志願」,想像我將來長大成人,出來投身的行業。

作文堂完結後,老師詢問學生,你將來想做什麼行業。學生很主動,紛紛舉手解答。

小明:「我將來想做警察,因為警察捉賊的時候很威風。」

小嘉:「我將來想做醫生,因為醫生可以醫好人,幫到病人。」

小梅:「我將來想做老師,因為可以將學到的知識教好學生。」

小文:「我想做大老闆,因為可以賺好多好多錢,住好靚好大的大屋。」

小度:「我想好似朗拿度、碧咸咁,做一個出色的足球員,可以踢世界盃。」

小華:「我想做明星,好似劉德華咁,可以係鏡頭面前唱歌,又可以拍戲,好好玩。」

小詩:「我想做時裝設計師,因為我鐘意美術,又可以整到件衫靚靚,最好就係全世界人著我設計的衫。」

小環:「我想打政府工,有權力,鐘意叫人點都得,好似警察同食環署咁,可以捉賊捉小販。」

眾同學:「哈哈哈哈哈...」

小強(他爸爸是小販):「你想做殺人兇手?食環署捉小販的時候,會殺人架。」

眾同學:「哈哈哈哈哈...」

老師:「小強,請安靜。」

小環便低低頭,坐下來。

(校鐘大大聲的響了)

老師:「好啦,每個學生都有自己的志願,最重要的是可以貢獻到社會,幫到人,唔好做壞事,各位學生知唔知道?」

眾同學:「知道」

老師:「各位同學再見。」

眾同學:「老師再見。」

老師離開後,小強大大聲在課室叫囂,罵小環將來會成為一個殺人犯,見小販就殺,見死不救,殺人犯殺人犯...


[1]

我熱想做看更, 睇住電視又有人工.夜更, 冇野做就有覺瞓, 正... (以上是一個小學生作文我的志願的撮要). 諗諗下,(攪笑)我做乜鬼I.T.丫, 做'食蕉'都唔錯喎.(講笑而已)


[引用] | 作者 wanki爸爸 | 27th Jun 2006 | [舉報垃圾留言]

[2] Re: wanki爸爸

依家做看更唔可以訓覺啦. 住客可以打電話去警局投訴.

警察有時會捉看更訓覺, 捉到後肯定釘牌, 唔駛做看更啦.


[引用] | 作者 大腦電波 | 27th Jun 2006 | [舉報垃圾留言]

[3]

我小時候既志願職業係... 麵包店裡面做夾麵包員同收銀員

到而家, 都好羨慕佢地, 唔知點解.


[引用] | 作者 樹佬 | 27th Jun 2006 | [舉報垃圾留言]

[4]

我好像沒有志願的。到今天也是。


[引用] | 作者 映雪 | 27th Jun 2006 | [舉報垃圾留言]

[5]

我老爸想我做醫生,我老媽想我做律師,我小個想做騎師,因為細個睇跑馬,覺得佢地好型。返到學校寫我的志願,俾我miss「奇視」。

到依家大個,夢醒了,做緊騾仔,日日俾人騎。


[引用] | 作者 cup | 27th Jun 2006 | [舉報垃圾留言]