香港新浪網 MySinaBlog
« 上一篇 | 下一篇 »
大腦電波 | 2nd Feb 2007 | 港聞港事 | (962 Reads)

平均分: 10.00 | 評分人數: 1

若果有人問我,你對《大腦角落》網誌的願望是什麼?我或許會答:「我會做好呢個博 (I'll get the blog done)!」。

是啊,不是說笑,是認真的。我們的CEO,曾蔭權,參選下屆CEO的參選口號,也是「我會做好呢份工!」。

老闆要求伙記做什麼?顧客要求伙記提供什麼?的士司機、酒樓侍應、和麥當勞服務員根本不需要討論,不需要思考,只要對老闆和顧客說,「我會做好呢份工!」便可以。的士司機把乘客以最快最短的路線送到目的地,是做好呢份工;酒樓侍應只需要寫好食客的落單,送準一碟碟食物,最後幫埋客人埋單,就是做好呢份工;麥當勞服務員只需要炸好一包薯條,弄好一包漢堡飽,也是做好呢份工。

可是,我們的CEO,你有提供優良環境,為市民做好呢份工嗎?的士司機說,我會做好呢份工,可是沒有乘客,整天呆在的士站等客;酒樓侍應說,我會做好呢份工,可是領匯狂加租,酒樓要結業;麥當勞服務員說,我會做呢這份工,可是人工太低,難以糊口。

當八百名選委,跑往老遠的機場博覽館進行假日消閒活動。不是,大部份識時務者的選委,也是做好投給曾蔭權呢份工。曾蔭權選CEO,無非就是會做好呢份工,做好北京這個大老闆安排的工作,攪好「十一五」、攪好「自由行」、攪好「CEPA」、攪好「QDII」、攪好「緩慢的普選進程」以外,還要攪好「廿三條」,大家準備「放長雙眼看」吧!

有朝一天,當曾蔭權做好CEO呢份工後。我會做好呢個博,就會犯了廿三條,洩露國家機密,顛覆中央政府,政府會抓我坐牢。到時,我會做好呢個博,只能風花說月,不談政治。

延伸閱讀:
Moliuology - 曾蔭權:我會做好呢份工!
Over The Rainbow  - 我會做好呢份工???
尖東為食公關 - 全城響應: 我會做好呢份工
曾蔭權選舉辦公室

本文撮要版刊登於2007年2月9日《星島日報》


[1]

當領導工作係份工,死得啦…


[引用] | 作者 pig | 2nd Feb 2007 | [舉報垃圾留言]

[2]

咁,過去果呢兩年,有無做好呢份工?!

CO2


[引用] | 作者 二氧化碳 CO2 | 2nd Feb 2007 | [舉報垃圾留言]

[3]

更正:
咁,過去果呢兩年,有無做好呢個博?!

CO2


[引用] | 作者 二氧化碳 CO2 | 2nd Feb 2007 | [舉報垃圾留言]

[4]

我尋日都諗起呢一句~ :)


[引用] | 作者 sidekick | 2nd Feb 2007 | [舉報垃圾留言]

[5]

打公仔要文訣:
多做多錯,唔做唔錯~


[引用] | 作者 carson | 3rd Feb 2007 | [舉報垃圾留言]

[6] Re:
pig :
當領導工作係份工,死得啦…

做工做得咁差,所以香港咁死得啦。


[引用] | 作者 大腦電波 | 3rd Feb 2007 | [舉報垃圾留言]

[7] Re:
二氧化碳 CO2 :
更正:咁,過去果呢兩年,有無做好呢個博?!
CO2

我無做好呢個博 :p


[引用] | 作者 大腦電波 | 3rd Feb 2007 | [舉報垃圾留言]

[8] Re:
sidekick :
我尋日都諗起呢一句~ :)

哈哈,大家所見略同。


[引用] | 作者 大腦電波 | 3rd Feb 2007 | [舉報垃圾留言]

[9] Re:
carson :
打公仔要文訣:多做多錯,唔做唔錯~

唔做唔錯就係做好呢份工了。


[引用] | 作者 大腦電波 | 3rd Feb 2007 | [舉報垃圾留言]

[10]

你好用心呀!加油.


[引用] | 作者 公關 | 3rd Feb 2007 | [舉報垃圾留言]

[11]

我要寫好呢段留言!


[引用] | 作者 亞占 | 3rd Feb 2007 | [舉報垃圾留言]

[12] Re:
公關 :
你好用心呀!加油.

謝謝, 我會用心做好呢個博 :p


[引用] | 作者 大腦電波 | 5th Feb 2007 | [舉報垃圾留言]

[13] Re:
亞占 :
我要寫好呢段留言!

哈哈, 寫得好行丫, 再寫過. :p


[引用] | 作者 大腦電波 | 5th Feb 2007 | [舉報垃圾留言]

[14] 港人百態: 人人都要做好佢份工

港人百態: 人人都要做好佢份工
1. 曾特首: 「我會做好呢份工,強政勵治立偉功!」
2. 政務司: 「我會做好呢份工,治港良策要提供!」
3. 財政司: 「我會做好呢份工,經濟繁榮可滅窮!」
4. 律政司 : 「我會做好呢份工,立例禁止人虐童!」
5. 公務局: 「我會做好呢份工,公僕同事多溝通!」
6. 政制局: 「我會做好呢份工,基本法則人人懂!」
7. 教育局: 「我會做好呢份工,小班殺校為學童!」
8. 工務局: 「我會做好呢份工,港珠澳橋到東涌!」
9. 衛生局: 「我會做好呢份工,病豬死雞埋地洞!」
10. 民政局: 「我會做好呢份工,拜神許願求簽中!」
11. 房屋局: 「我會做好呢份工,勾地賣地人頭湧!」
12. 保安局: 「我會做好呢份工,大賊小偷監倉送!」
13. 工商局: 「我會做好呢份工,老翻四仔打擊重!」
14. 勞工局: 「我會做好呢份工,人人開工又加鐘!」
15. 財經局: 「我會做好呢份工,庫房稅收滿堂紅!」
16. 袋巾梁: 「我會做好呢份工,普選有期齊慶功!」
17. 董伯伯: 「我會做好呢份工,北京大官爭認同!」
18. 馬田李: 「我會做好呢份工,維權官司打到窮!」
19. 葉亞姨: 「我會做好呢份工,重出江湖顯雌風!」
20. 陳四萬: 「我會做好呢份工,遊行飯局滿笑容!」
21. 田二少: 「我會做好呢份工,東鐵西鐵無罷工!」
22. 佳叔劉: 「我會做好呢份工,問卷調查時時中!」
23. 羅專員: 「我會做好呢份工,貪官吏趕入籠!」
24. 陳主教: 「我會做好呢份工,祈禱唱詩主讚頌!」
25. 華叔公: 「我會做好呢份工,學運民運快成功!」
26. 長毛雄: 「我會做好呢份工,抬棺上街夠反動!」
27. 范主席: 「我會做好呢份工,議事章程禁顛倒!」
28. 李超人: 「我會做好呢份工,長系股價創高峰!」
29. 小小超: 「我會做好呢份工,無線寬頻處處通!」
30. 賭王何: 「我會做好呢份工,防止賭仔裝彈弓!」
31. 肥佬黎: 「我會做好呢份工,生果日報勝大公!」
32. 移民官: 「我會做好呢份工,無証孕婦排長龍!」
33. 海關員: 「我會做好呢份工,偵揖毒品驗出恭!」
34. 勇干探: 「我會做好呢份工,冒險臥底收証供!」
35. 消防員: 「我會做好呢份工,衝入火海救幼童!」
36. 衛生邦: 「我會做好呢份工,落區捉拿垃圾蟲!」
37. 交通警: 「我會做好呢份工,影相巡邏防亂衝!」
38. 解放軍: 「我會做好呢份工,保港衛國最精忠!」
39. 天文台: 「我會做好呢份工,追預測熱帶風!」
40. 總經理: 「我會做好呢份工,日理萬機亦從容!」
41. 設計師: 「我會做好呢份工,廚房浴室夠通風!」
42. 建築師: 「我會做好呢份工,多建新樓大家用!」
43. 會計師: 「我會做好呢份工,確保無人穿柜桶!」
44. 栽縫師: 「我會做好呢份工,中衭西裙補穿窿!」
45. 鐘錶師: 「我會做好呢份工,維修保養名貴鐘!」
46. 中醫師: 「我會做好呢份工,聽聞問切去頭痛!」
47. 西醫師: 「我會做好呢份工,藥到病除醫傷風!」
48. 整容師: 「我會做好呢份工,化裝美容隆豐胸!」
49. 心理師: 「我會做好呢份工,舒緩壓力唔發瘋!」
50. 電療師: 「我會做好呢份工,電射化療除瘤腫!」
51. 按摩師: 「我會做好呢份工,按穴推拿肌肉鬆!」
52. 氣功師: 「我會做好呢份工,運氣助人發內功!」
53. 共黨員: 「我會做好呢份工,又紅又專學澤東!」
54. 舞蹈員: 「我會做好呢份工,掘腿轉身練舞功!」
55. 運動員: 「我會做好呢份工,田徑游泳搏命衝!」
56. 歌舞星: 「我會做好呢份工,仙樂飄飄情感慟!」
57. 模特兒: 「我會做好呢份工,婀羅多姿身材豐!」
58. 清潔工: 「我會做好呢份工,打掃乾淨無蟻蟲!」
59. 菲印庸: 「我會做好呢份工,洗衫煮飯兼買!」
60. 地盤佬: 「我會做好呢份工,打樁填土地底洞!」
61. 泥水佬: 「我會做好呢份工,砌牆油漆補釘窿!」
62. 桑拿妹: 「我會做好呢份工,鬆骨涼做足鐘!」
63. 靚公關: 「我會做好呢份工,熱情微笑又鞠躬!」
64. 小怨婦: 「我會做好呢份工,拋眉弄眼引老公!」
65. 大滾友: 「我會做好呢份工,安全乾淨趙完鬆!」
66. 侍應生: 「我會做好呢份工,咖啡奶茶為客沖!」
67. 越廚師: 「我會做好呢份工,用心煮好越南濛!」
68. 粵廚師: 「我會做好呢份工,猛火爆好薑油蔥!」
69. 面飽師: 「我會做好呢份工,西餅旦噠無焗濃!」
70. 養雞農: 「我會做好呢份工,餵雞唔用蘇丹紅!」
71. 魚蛋妹: 「我會做好呢份工,魚蛋雲吞新鮮弄!」
72. 大牌檔: 「我會做好呢份工,粥粉麵飯咸肉粽!」
73. 巴士佬: 「我會做好呢份工,停站開車扶老翁!」
74. 的士佬: 「我會做好呢份工,紅燈黃燈唔會衝!」
75. 速遞員: 「我會做好呢份工,大包小包背脊痛!」
76. 車站長: 「我會做好呢份工,監管充值八達通!」
77. 老和尚: 「我會做好呢份工,打坐唸經證悟空!」
78. 大法官: 「我會做好呢份工,鐵面無私無禮送!」
79. 師爺仔: 「我會做好呢份工,度橋教人點捉蟲!」
80. 監獄犯: 「我會做好呢份工,假釋坐少三幾籠!」
81. 股票行: 「我會做好呢份工,教人炒股唔會濃!」
82. 分析員: 「我會做好呢份工,股票貼士多數中!」
83. 睇相佬: 「我會做好呢份工,摸骨睇掌算吉兇!」
84. 風水師: 「我會做好呢份工,勘輿風水無相沖!」
85. 老鄉長: 「我會做好呢份工,祭祖禮儀授鄉童!」
86. 嚴父母: 「我會做好呢份工,規管兒女教傳統!」
87. 乖子女: 「我會做好呢份工,孝順聽話勤用功!」
88. 賢淑妻: 「我會做好呢份工,相夫教子守貞操!」
89. 孝子孫: 「我會做好呢份工,拜山掃墓敬祖宗!」
90. 叻教師: 「我會做好呢份工,文理藝育樣樣通!」
91. 勤學生: 「我會做好呢份工,中英數理全學懂!」
92. 女殺手: 「我會做好呢份工,殺人手段我最兇!」
93. 賭馬迷: 「我會做好呢份工,朝朝晨操觀馬蹤!」
94. 騎馬師: 「我會做好呢份工,修身減磅無加重!」
95. 大傍友: 「我會做好呢份工,拍馬屁時要睇通!」
96. 麻將腳: 「我會做好呢份工,雞糊唔食雙翻東!」
97. 小商家: 「我會做好呢份工,小本創業不怕窮!」
98. 打工仔: 「我會做好呢份工,表現出色加人工!」
99. 好員工: 「我會做好呢份工,天天準時去開工!」
100. 好老闆: 「我會做好呢份工,年年賺錢分花紅!」

原來人人都知道 佢要做好佢份工
為何祇有八佰個 小圈選舉爭邀功
中央固然要關注 普選訴求意更重
全港市民應參與 競選特首果份工

送給全港市民的情人節及豬年新春賀禮
原創小品,版權豁免,歡迎轉載,大家分享
M.F. Choy & Vincent Ip
2007.2.14


[引用] | 作者 MFC & VIP | 22nd Feb 2007 | [舉報垃圾留言]