香港新浪網 MySinaBlog
« 上一篇 | 下一篇 »
大腦電波 | 6th Sep 2007 | 生活閒情 | (2480 Reads)
由於我的工作崗位不容許上班遲一秒鐘。所以若果不幸遲起床,趕不到某班公車,我會乘坐的士上班。有時候的士司機會問我要求走什麼路,或者同意司機建議走的路線。

如果你有駕車經驗,很快便知道什麼回事。就以我個人為例,由我家乘坐的士前往公司,至少三條路線可以選擇,分別經過巴士廠、新墟、和高速公路,經過巴士裝嵌工廠的路最短,但最多紅綠燈;經過高速公路的路最長,但是最快。

由於有三條路線可以選擇,的士司機一般會選擇走巴士廠的路,因為距離最短,但亦有部份的士司機會問我想走什麼路,我一般會根據情況,有時間的走巴士廠,沒有時間的就走高速公路。

前幾天,我上了一輛的士。司機未及問我走什麼路,我便說走高速公路,司機說我聰明醒目,我問司機什麼事,司機苦笑地說,很多乘客根本唔識路,收多了錢便說司機兜路,動不動又要投訴。我告訴司機,走最短的路就得,司機又說,行最短的路,剛巧紅燈位多,又可能被人鬧浪費時間,然後又投訴一番。現在的乘客真的「大哂」,唔合心意又投訴一番,司機若果收到交通諮詢委員會或者警方要求錄取口供,便半天不能開工,少賺收入,所以司機都怕被人投訴,壓力很大。

然後,司機又告訴我一個滑稽的個案,一位約廿歲的妙齡女子乘坐的士,的士到目的地後,按咪錶收十八元,妙齡女子反指司機兜路,司機想來想去,想不出兜了什麼路。妙齡女子二話不說便淘出十六元予司機便離去,司機心想妙齡女子沒錢乘坐的士,反指司機兜路,有點惡人先告狀。我問司機會否擔心妙齡女子的投訴,司機提高聲線說,我不怕她投訴,我可以向警察指她沒有給予足夠車資乘的士。

的士收費是以距離計算。正常來說,越長距離,跳錶越多,但別忘記的士在紅燈停車等候,也計算時間,一分鐘跳一次。若果只以距離計算,由我家前往公司,不用跳什麼錶,但若果計算等候時間,走高速公路的車資,和走巴士廠的車資,相差不遠。只是走了另一條路,用少了時間,跳多一兩個錶,乘客就說司機兜路,似乎有點過份。大部份的士司機比你更知道路面情況,選擇適合的路線行駛。所以的士乘客在上車時緊記和司機說走什麼路,下車時可以避免爭拗。


[1]

相信司機的專業是很重要的。


[引用] | 作者 L | 6th Sep 2007 | [舉報垃圾留言]

[2]

有時候遇上以為自己識路的司機,好像很有信心似的,最後走錯路,受害的是自己。當乘客的,還是要打醒十二分精神。


[引用] | 作者 Kursk | 7th Sep 2007 | [舉報垃圾留言]

[3] Re:

依家尐人越來越有依種表現.
以為自己比錢的就大曬~~~
都唔諗o野的~


[引用] | 作者 悟樂 | 7th Sep 2007 | [舉報垃圾留言]

[4] Re: L
L :
相信司機的專業是很重要的。

可是有些司機唔專業, 識D唔識D, 結果行錯路. 我寧願佢話唔識, 然後由我帶路.


[引用] | 作者 大腦電波 | 12th Sep 2007 | [舉報垃圾留言]

[5] Re: Kursk
Kursk :
有時候遇上以為自己識路的司機,好像很有信心似的,最後走錯路,受害的是自己。當乘客的,還是要打醒十二分精神。

係, 完全正確, 尤其是香港的路標指示不清, 當見到路標後, 根本沒有時間選擇適合的路線, 結果又係行錯路


[引用] | 作者 大腦電波 | 12th Sep 2007 | [舉報垃圾留言]

[6] Re: Re:悟樂
悟樂 :
依家尐人越來越有依種表現.以為自己比錢的就大曬~~~都唔諗o野的~

以前都唔係咁, 自從受到劉德華的「今時今日就係咁的態度係唔夠的...」的政府廣告影響, 人人都覺得客係大哂, 職員永遠要迎合客的需要, 而唔理是否做得到.


[引用] | 作者 大腦電波 | 12th Sep 2007 | [舉報垃圾留言]

[7] 惡劣司機hurt到我女友!!!!

我女朋友26/8(星期二)早上8點幾, 因為趕時間去沙田愉翠苑返工, 等唔到小巴, 就係馬鞍山錦英苑截咗架紅的, 點知個司機開咗車至話自己唔識去, 而且態度好惡劣, 以下係我女友同司機對話概要:

司機: "愉翠苑, 我唔識去喎!! 你應該係錦英苑行多幾步過去的士站搭綠的嘛!!"

女友: "但你要知道綠的唔去愉翠苑架!! 佢地只會去到威爾斯醫院...你唔識去, d綠的又唔到嗰度, 咁你叫我可以點?! 你又唔一早講, 等我可以去截過另一架嘛!!"

司機(停咗車, 距離愉翠苑仲有超過一半路程) : (好串咁講) "咁你宜家係咪要落車吖?!!"

女友: "我趕時間架喎!! 你叫我點落車去截過架呀?"

最後司機都係載我女友去到愉翠苑附近, 但女友真係感到好hurt!!! 好可惜我女友冇記低個司機證號碼同埋車牌, 想正式去有關部門投訴都唔得, 唯有係呢度公告天下。

想係度鬧爆一下d惡劣的士司機先:

"如果你地唔識去某d地方, 唔係大問題(當然最好從速改善), 可以向乘客請教一下點去, 但唔該唔好用d差劣/串咀/唔耐煩既態度!!! 劉德華個廣告都有講啦~~~今時今日咁既服務態度係唔夠架!!! 請問你地有冇聽架?!! 你地楂的士為兩餐捱貴油係咪就係你地態度差劣既理由?!! 如果係! 我冇嘢好講but勸你地轉行好喇!!! 明未?"

勸喻全港九新界所有的士司機&所屬管理公司:

"唔該係路線規劃同安排上統一d, 有d較接近九龍市區既新界地區, 好似沙田大圍之類, 應該要紅&綠的都要覆蓋去到, 方便乘客, 仲有, 唔該各位司機大佬留意d路線點去, 我明白要記得晒全港九新界街道路線真係好難, 但乘客一旦上車, 一定suppose你地邊度都識去架喎, 如果唔識去唔該早出聲!!! 唔識去又要死橕仲要發惡串人鬧人!!! 呢d係咩道理?!!"


[引用] | 作者 君伙 | 27th Aug 2008 | [舉報垃圾留言]

[8] Re: 君伙

是否在的士行程中不停地計算?
即沒有任何停紅綠燈或停下來的十分鐘直駛行程中,也需合拼實際車程距離及十分鐘的收費呢?


[引用] | 作者 乘客 | 9th Nov 2008 | [舉報垃圾留言]

[9]

大家知唔知『等候時間』是如何操作的呢?

『等候時間』是否在的士行程中不停地計算?

即沒有任何停紅綠燈或停下來的十分鐘直駛行程中,也需合拼實際車程距離及十分鐘的『等候時間』收費呢?


[引用] | 作者 乘客 | 9th Nov 2008 | [舉報垃圾留言]